යථාර්ථය

Posted by: nuwanbmv | May 6, 2010

ඉණිමඟ පවා බිම ලන ගිය සැනින් උඩ
මිනිසුනි නොදෙනු මැන නොමිනිස් කමට ඉඩ
පැණි රැඳි නමුදු විස ඇති නිති දෙඹර තුඩ
පිණි වැටි නෙලුම් පෙති මත නැත ගොහොරු මඩ

සුදනන් නැතොත් ආයුස කල්පයක් ඇති
ලද දිවියක් කුමට මොහොතක් සතුට නැති
දිය රැළි මවන මිරිඟුව වන් ජලය නැති
සඳ නැති අහසෙ නොපෙනේ තරු කොතෙක් ඇති

මුව විට පුරෝගෙන රලු විස බස් නො අඩු
නව ගුණ වැල ඇතිව නිති මෙත් බවුන් වැඩූ
කව දත් හිඟ නොවුණු දන රුදු වදන් දෙඩූ
අව පස සඳක් ලෙස බැසයති පැහැය අඩු

සුල මුල සොයන අන් අයගේ නිරතුරුම
පැල පදියන්ව ඇත තිරිසන් ගති බොහොම
කුල මළ සොය සොයා යන මිනිසුන් මෙහෙම
මිල නොකැළැකි මිනිස්කම දකිති ද කොහොම

Be the first to like this post.

Responses